«Там вялізныя яміны»: наступствы ўдару УСУ па войсках РФ у цэнтры Данецка паказалі на відэа

• 6.03.2025, 8:22

На месцы расейскай базы засталася вялізная дзірка.

Сілы абароны Украіны паспяхова знішчылі пункт размяшчэння акупацыйнага войска Расеі ў цэнтры акупаванага Данецка. На месцы расейскай базы засталася вялізная дзірка, паведамляе «Дыялог.UA».

Калі быў нанесены ўдар, не паведамляецца. Мяркуючы з пейзажу, адбылося гэта яшчэ ўзімку.

«Цэнтр Данецка. Вось размяшчэнне нашых хлопцаў было. Там яміны. Прылёт. Такая вось штука… Прыляцела па нашых хлопцах», - расказаў відавочца за кадрам.

Аб стратах у шэрагах УС РФ у выніку гэтага ўдару ён прамаўчаў. Аднак, магчыма, без ліквідаваных і параненых акупантаў там не абышлося.

Адзначым, што ў канцы снежня 2024 года з'явілася інфармацыя аб паспяховым знішчэнні ўкраінскімі сіламі «МДБ» так званай «ДНР» у цэнтральнай частцы акупаванага Данецка. У гэтым будынку расейцы раней катавалі палонных украінцаў.