У Уолтца адбылася тэлефонная размова з Ермаком

• 5.03.2025, 21:09

Бакі абмеркавалі месца і дату перамоваў.

Дарадца прэзідэнта ЗША ў нацыянальнай бяспецы Майк Уолц правёў тэлефонную размову з Офісам прэзідэнта Украіны, падчас якой бакі абмеркавалі месца і дату правядзення перамоваў з Расеяй. Пра гэта 5 сакавіка Уолц заявіў у эфіры Fox & Friends.

«Я толькі што закончыў тэлефонную размову з маім украінскім калегам. Мы гаварылі пра дату, месца, перамоўную каманду. Сёння і ўчора былі пазітыўным крокам наперад да таго, каб сказаць: мы будзем весці перамовы пра мір, і мы ўжо гаворым пра захады ўмацавання даверу, якія потым перадамо расейцам і пратэстуем той бок. Гэта будзе цяжкая чоўнавая дыпламатыя, але абодва бакі павінны быць задзейнічаныя. […] Я думаю, цяпер мы рухаемся ў пазітыўным кірунку», – сказаў амерыканскі палітык.