Румынія выслала двух высокапастаўленых расейскіх дыпламатаў

• 5.03.2025, 20:06

Падрабязнасці.

У сераду, 5 сакавіка, Румынія выслала двух высокапастаўленых расейскіх дыпламатаў. Пра гэта паведаміла Міністэрства замежных справаў, піша Barron`s.

Як піша выданне, гэта адбылося праз дзень пасля абвінавачанняў Масквы ва «ўмяшанні» і крытыкі расейскіх спецслужбаў датычна абвінаваўчай высновы, вылучанай ультраправаму кандыдату ў прэзідэнты Келіну Джарджэску.

«Румынскія ўлады пастанавілі абвясціць персонамі нон грата на тэрыторыі Румыніі вайсковага, вайскова-паветранага і вайскова-марскога аташэ Расейскай Федэрацыі ў Бухарэсце, а таксама ягонага намесніка», – гаворыцца ў заяве МЗС.

Прапагандысцкія СМІ паведамілі, што ў МЗС Расеі адкажуць на абвяшчэнне Румыніяй расейскага вайсковага аташэ і ягонага намесніка персонамі нон грата.

28 лютага генпракуратура Румыніі затрымала 18 чалавек паводле справы, звязанай з былым кандыдатам у прэзідэнты прарасейскім палітыкам Келінам Джарджэску.