Сітуацыя для Украіны паляпшаецца: УСУ адкінулі войскі РФ пад Купянскам

• 5.03.2025, 22:32

На адным адцінку акупанты адступілі, а на двух іншых акупанты пацярпелі паразу.

На Купянскім кірунку ўкраінскія сілы адціснулі УС РФ на поўнач ад вёскі Заходняе. Аб гэтым 5 сакавіка паведамілі ў DeepState.

"Нягледзячы на працяг ціску на абсталяваных расейцамі плацдармах, Сілы абароны спрабуюць стабілізаваць сітуацыю ў гэтым раёне", – адзначылі аналітыкі.

Расейскія акупанты не пакідаюць надзей захапіць вёску Фігалёўка, да ўскраін якой ужо дабраліся. Таксама вораг няспынна цісне на пасёлак Двурэчная.

Акрамя таго, УС РФ спрабуюць дабіцца поспеху на адцінку вёсак Кандрашоўка і Галубоўка. Аднак пошук магчымасці для прасоўвання абарочваецца для Расеі толькі няўдачамі.

«Апошнім часам сітуацыя на адцінку паляпшаецца, дзякуючы зменам у арганізацыйнай структуры. Спадзяемся, гэтая стабілізацыя будзе мець станоўчую дынаміку ў будучыні», – дадалі ў DeepState.

Што кажа Генштаб УСУ

У ранішняй справаздачы Генеральнага штаба УСУ гаворыцца, што цягам дня на Купянскім кірунку зафіксавалі тры варожыя атакі.

«Сілы абароны адбілі штурмавыя дзеянні супраціўніка ў раёнах Петрапаўлаўкі, Пясчанага і Багуслаўкі», - удакладніла камандаванне.