У Віцебску паводле «экстрэмісцкага» артыкула судзяць траўматолага з Калумбіі

• 4.03.2025, 17:16

Раней судзілі ягоную жонку.

Траўматолага калумбійскага паходжання 4 сакавіка судзяць у Віцебску за «распаўсюджванне экстрэмізму», піша тэлеграм-канал «Витебск, я гуляю». Імаверна, раней паводле таго ж артыкула судзілі ягоную жонку.

У судзе Кастрычніцкага раёна Віцебска 4 сакавіка адзначылася імя Хорхе Еліесера Даса Гайтан. Мужчыну ставяць у віну «распаўсюд экстрэмізму (ч.2 арт.19.11 КоАП).

Паводле звестак канала, мужчына родам з калумбійскай Арменіі, вучыўся ў віцебскім медуніверсітэце і застаўся ў горадзе працаваць траўматолагам.

Раней паведамлялася аб аналагічным судзе над Вольгай Даса Гайтан, супрацоўніцай віцебскай філіі «СберБанка» — імаверна, жонкай Хорхе Еліесера.