Зяленскі абмеркаваў з Мэрцам фінансавую падтрымку Украіны

• 4.03.2025, 15:49

І пастаўкі сістэм СПА.

Прэзідэнт Украіны Уладзімір Зяленскі правёў размову Фрыдрыхам Мэрцам, лідарам партыі ХДС, якая перамагла на выбарах у Бундэстаг Нямеччыны. Былі ўзгодненыя пазіцыі для падтрымкі Украіны.

Пра гэта паведамляе РБК-Украіна са спасылкай на публікацыю Зяленскага ў сетцы Х.

Як адзначыў Зяленскі, Кіеў высока цэніць намаганні Нямеччыны па аднаўленні еўрапейскай бяспекі і абароны жыцця ва Украіне.

«Мы памятаем, што Нямеччына з'яўляецца лідарам у пастаўках сістэм супрацьпаветранай абароны ва Украіну і адыгрывае вызначальную ролю ў забеспячэнні нашай фінансавай стабільнасці», – напісаў ён.

Зяленскі паведаміў аб дамоўленасці Мэрцам аб далейшым супрацоўніцтве і кантактах.

Фрыдрых Мэрц - нямецкі палітык, лідар Хрысціянска-дэмакратычнага саюза (ХДС), які пасля перамогі блока ХДС/ХСС на парламенцкіх выбарах 23 лютага 2025 года мае высокія шансы стаць новым канцлерам Нямеччыны.

Мэрц вядомы сваёй падтрымкай Украіны. Ён быў адным з першых нямецкіх палітыкаў, якія наведалі Кіеў пасля вызвалення часткі Кіеўскай вобласці вясной 2022 года. Тады ён падкрэсліваў неабходнасць пастаўкі Украіне зброі і наданні статусу кандыдата на ўступленне ў Еўрапейскі Звяз. Таксама Мэрц выказваў падтрымку ўступленню Украіны ў NATO.

Яго пазіцыя наконт Украіны застаецца паслядоўнай, ён падтрымлівае наданне вайсковай і палітычнай дапамогі ва ўмовах расейскай агрэсіі. Чакаецца, што ў выпадку абрання Мэрца канцлерам, Нямеччына працягне падтрымліваць Украіну на міжнароднай арэне.