Вядомы менскі гандлёвы цэнтр мяняе назву

• 4.03.2025, 11:01

Краму чакае сур'ёзны рэбрэндынг.

Адна з філій ЦУМа сур'ёзна зменіцца ўжо ў 2025 годзе, паведамляе агенцтва "Мінск-Новості".

Гаворка ідзе пра краму «Тавары для жанчын», размешчаную на сталічнай вуліцы Куйбышава, недалёка ад Камароўскага рынку.

«Мы плануем змяніць назву, абнавіць стыль, павялічыць асартымент і змяніць лакацыі таварных груп. Гэта дазволіць больш рацыянальна выкарыстоўваць гандлёвую плошчу», – абвясціў задумкі дырэктар ААТ «ЦУМ Мінск» Аляксей Сокал.

Крама "Тавары для жанчын" працуе з 1990-х. За гэтыя гады яна, вядома, некалькі разоў абнаўлялася: у розныя перыяды часу, напрыклад, дадалі харчовы аддзел і перавялі гандаль на самаабслугоўванне.

Аднак будучая рэнавацыя абяцае быць больш маштабнай.