Пад Лунінцам вайскоўцы ў газмасках праводзяць дэзінфекцыю і дэактывацыю

• 4.03.2025, 10:41

Што адбываецца?

У рамках праверкі баявой гатоўнасці вайскоўцы 56-га зенітнага ракетнага палка, які дыслакуецца ў Лунінецкім раёне, у газмасках праводзяць дэзінфекцыю і дэактывацыю.

Ракетчыкі праводзяць палявыя зборы ў межах праверкі Узброеных сілаў Беларусі, піша «Медыя-Палессе».

У мінулым месяцы адпрацоўваліся дзеянні дыверсійна-выведвальнай групы пры пераходзе замінаванага адцінку мясцовасці, устаноўцы супрацьтанкавых мін. На гэты раз вайскоўцы зрабілі справаздачу аб тым, што на палявым выхадзе прайшлі практычныя заняткі аб парадку і паслядоўнасці дзеянняў па пераадоленні заражанага ўчастка мясцовасці, дэзінфекцыі асабовага складу і дэзактывацыі тэхнікі.