У некалькіх раёнах Беларусі ўводзяць дні цвярозасці

• 2.03.2025, 17:56

Спіртное можна будзе купіць толькі на разліў.

Райвыканкамы некаторых раёнаў Беларусі ўжо прынялі і афіцыйна апублікавалі пастановы аб правядзенні ў 2025 годзе дзён цвярозасці.

На Нацыянальным прававым партале ёсць такі дакумент Круглянскага райвыканкама. У адпаведнасці з ім, дзень цвярозасці ў раёне чакаецца ў "адзіны дзень правядзення ўрачыстых лінеек з нагоды заканчэння навучальнага года і выпускных вечароў ва ўстановах агульнай сярэдняй адукацыі". Затым - 1 верасня.

Гэтымі днямі спіртное на тэрыторыі раёна можна будзе купіць толькі ў разліў у аб'ектах грамадскага харчавання.

Абмежаваць продаж алкагольных напояў надумалі таксама ў Дрыбінскім раёне. 28 сакавіка, 24 траўня, 1 верасня і 28 лістапада. Асобна ў дакуменце выдзелена дата 13 чэрвеня - дзень правядзення выпускных вечароў. Ва ўсе гэтыя дні купіць алкаголь можна будзе альбо ў грамадскім харчаванні на разліў, альбо ў крамах, але толькі з мэтай правядзення рытуальных абрадаў і вясельных урачыстасцяў.

Аналагічную пастанову прынялі і ў Бабруйскай райвыканкаме. Там дні цвярозасці пройдуць 20 сакавіка, 1 верасня і 20 лістапада "ў сувязі з правядзеннем мерапрыемстваў, накіраваных на прапаганду (папулярызацыю) здаровага ладу жыцця, прафілактыку п'янства і алкагалізму, барацьбу з імі".