Сотні прыхільнікаў Украіны выйшлі на мітынг у Нью-Ёрку

• 2.03.2025, 12:34

Маштабная акцыя прайшла на Манхэтэне.

У Нью-Ёрку, на Манхэтэне, прайшла маштабная акцыя ў падтрымку Украіны. Сотні людзей сабраліся, каб выказаць сваю падтрымку прэзідэнту Уладзіміру Зяленскаму і ўкраінскаму народу, піша «Обозреватель».

Яны пратэставалі супраць пазіцыі Дональда Трампа. Адпаведныя відэа з'явіліся ў сетцы.

Мітынгоўцы абвяшчалі лозунгі «Зяленскі - герой!» і трымалі ў руках украінскія сцягі, заклікаючы да больш рашучай падтрымкі Украіны з боку міжнароднай супольнасці.

Людзі з розных куткоў горада і свету далучыліся да дэманстрацыі, выказваючы падтрымку Украіне, яе народу і прэзідэнту. Удзельнікі акцыі яшчэ раз адзначылі важнасць адзінства міжнароднай супольнасці ва ўмовах вайны.

Гэтыя мітынгі ў Нью-Ёрку сталі яшчэ адным напамінам аб тым, што падтрымка Украіны застаецца моцнай ва ўсім свеце, а пратэстоўцы працягваюць заклікаць да больш рашучых дзеянняў сусветных лідараў, каб спыніць агрэсію і падтрымаць суверэнітэт Украіны.