Стала вядома, што параіў Стармер Зяленскаму

• 2.03.2025, 11:54

Прыярытэт Брытаніі - зрабіць усё магчымае для абароны Украіны.

Пасля сваркі паміж прэзідэнтам ЗША Дональдам Трампам і прэзідэнтам Украіны Уладзімірам Зяленскім брытанскі прэм'ер Кір Стармер параіў Зяленскаму наладзіць стасункі з Трампам.

Аб гэтым выданню Financial Times паведамілі неназваныя брытанскія чыноўнікі.

«Прыярытэт прэм'ер-міністра - зрабіць усё магчымае для абароны Украіны. Гэта азначае, што ЗША павінны быць прыцягнутыя. Вы (Зяленскі. - Рэд.) павінны выправіць гэтыя стасункі і вярнуцца да пагаднення аб карысных выкапнях», - цытуе суразмоўцы выданне.

Пасля сустрэчы з Зяленскім у суботу Стармер патэлефанаваў Трампу і прэзідэнту Францыі Эмануэлю Макрону і што перамовы былі «засяроджаныя на прасоўванні наперад».

Адзін з паплечнікаў Стармера паведаміў FT, што прэм'ер-міністр перакананы, што «ёсць толькі адны перамовы - і гэта прэзідэнт Трамп».

Таму Стармер заклікаў Трампа і Зяленскага скончыць пагадненне, каб «дазволіць ЗША падзяліцца часткай мінеральных багаццяў Украіны».

У матэрыяле таксама акцэнтуецца ўвага на тым, што Макрон заклікаў прэзідэнтаў ЗША і Украіны забыцца пра свае рознагалоссі, дадаўшы, што «Еўропе ўсё яшчэ патрэбны Трамп, каб дапамагчы забяспечыць мір».