Макрон паспрачаўся з Трампам

• 2.03.2025, 12:18

Прэзідэнт Францыі нагадаў, хто насамрэч «гуляе ў Трэцюю сусветную вайну».

Прэзідэнт Францыі Эмануэль Макрон не пагадзіўся са словамі прэзідэнта ЗША Дональда Трампа аб тым, што нібыта ўкраінскі лідар Уладзімір Зяленскі «гуляецца ў Трэцюю сусветную вайну». З ягоных слоў, гэта робіць расейскі дыктатар Уладзімір Пуцін.

Пра гэта паведамляе BFMTV.

Макрон заявіў, што «калі хтосьці гуляе ў Трэцюю сусветную вайну, то гэта Уладзімір Пуцін», а не Уладзімір Зяленскі.

«Чалавека, які пагражае нам ядзернай зброяй і гуляе ў Трэцюю сусветную вайну, не варта шукаць у Кіеве. Нам лепш шукаць у Маскве», - дадаў ён.

Ён падкрэсліў, што агрэсар - гэта Расея, а ахвяра агрэсіі - Украіна.

«Мы павінны падзякаваць усім, хто дапамог. Мы павінны паважаць тых, хто змагаецца з самага пачатку, бо яны змагаюцца за сваю годнасць, сваю незалежнасць, за сваіх дзяцей і за бяспеку Еўропы», - сказаў Макрон.