У футболе мяняюць правілы

• 1.03.2025, 21:26

Змяненні закрануць брамнікаў.

Міжнародная рада футбольных асацыяцый (IFAB) унясла змены ў правілы футбола. Пастанова была прынятая на штогадовым агульным сходзе IFAB у Белфасце, Паўночная Ірландыя.

Ключавое змяненне датычыцца валодання мяча брамнікам і зацяжкі часу. IFAB аднагалосна наважыў унесці папраўку ў Правіла 12/02 (Свабодны ўдар). Папраўка азначае, што, калі брамнік трымае мяч даўжэй за восем секунд (пры гэтым суддзя выкарыстоўвае візуальны пяцісекундны адлік), арбітр прызначае кутні ўдар на карысць каманды апанента.

Цяпер, згодна з правіламі, калі брамнік трымае мяч больш за 6 секунд, арбітр прызначае свабодны ўдар.

У паведамленні IFAB падкрэсліваецца, што выпрабаванні гэтага правіла паказалі сваю эфектыўнасць і дапамаглі мінімізаваць выпадкі зацяжкі часу з боку брамнікаў.