Нарвегія плануе павялічыць фінансавую дапамогу для Украіны

• 1.03.2025, 17:17

Осла выдаткуе мільярды даляраў.

Урад Нарвегіі хутка звернецца да парламента з просьбай павялічыць фінансавую дапамогу для Украіны. Аб гэтым заявіў прэм'ер-міністр Нарвегіі Ёнас Гар Ст'ёры ў інтэрв'ю NRK, паведамляе Reuters.

"Я магу сказаць сёння, што мы вернемся ў парламент у найбліжэйшы час з прапановай павялічыць падтрымку", - запэўніў ён.

У Reuters нагадалі, што ў канцы 2024 года парламент Нарвегіі пагадзіўся выдаткаваць 3,12 мільярда даляраў на вайсковую і гуманітарную дапамогу Украіне ў 2025 годзе, а таксама ў цэлым 155 мільярдаў крон у перыяд з 2023 да 2030 года ($1 = 11,2233 норвежскіх крон).

Таксама вядома, што Ст'ёра ў нядзелю, 2 сакавіка, сустрэнецца з еўрапейскімі лідарамі і прэзідэнтам Украіны Уладзімірам Зяленскім.