Зяленскі падзякаваў больш за 30 хаўруснікам

• 1.03.2025, 16:35

Прэзідэнт Украіны падзякаваў кожнаму, хто падтрымаў яго ў X.

Прэзідэнт Украіны Уладзімір Зяленскі пасля скандалу ў Белым доме ў пятніцу, 28 лютага, падзякаваў у сацсетцы X 38 заходнім хаўруснікам Кіева, адказаўшы асобна на кожную публікацыю словамі «Дзякуй за вашу падтрымку».

Украінскі лідар размясціў на сваёй старонцы, між іншым, заявы канцлера ФРГ Олафа Шольца (Olaf Scholz), старшыні Еўракамісіі Уршулі фон дэр Ляен (Ursula von der Leyen), прэзідэнта Францыі Эманюэля Макрона.