Стала вядома, каму патэлефанаваў Зяленскі адразу пасля сваркі з Трампам

• 1.03.2025, 10:49

Палітык ужо падтрымліваў прэзідэнта Украіны пасля рознагалоссяў з Вашынгтонам.

Першым лідарам, з якім звязаўся ўкраінскі прэзідэнт Уладзімір Зяленскі пасля сваёй сваркі з амерыканскім калегам Дональдам Трампам, стаў Эмануэль Макрон.

Пра гэта паведаміў у сацсетцы Х рэпарцёр выдання Financial Times Крыстафер Мілер, спасылаючыся на чалавека з блізкага атачэння ўкраінскага лідара.

«Зяленскі толькі што пагаварыў з прэзідэнтам Францыі Макронам і цяпер гаворыць з генеральным сакратаром NATO Рутэ», – паведаміў ён.

Адзначым, што Макрон ужо падтрымаў Зяленскага пасля скандалу ў Вашынгтоне. Выступаючы перад журналістамі, ён падкрэсліў, што менавіта Расія ў гэтай гісторыі з'яўляецца агрэсарам.