У віцебскай «Санце» знойдзены вельмі дзіўны прадукт

• 28.02.2025, 19:28

Беларусы навінку не ацанілі.

Беларуска знайшла ў адной з крам «Санты» ў Віцебску хлебабат: хлебны выраб, дзе з аднаго боку — батон, а з другога — чорны хлеб, піша CityDog.io.

Знойдзены такі незвычайны варыянт "2 у 1" у краме "Санта" на Маскоўскай, 86, кошт хлебабата — 1,79 рубля. У каментарах людзі пішуць, што пакаштаваць бы купілі, але назву "гучыць неяк не вельмі", і прапануюць свае варыянты: "блеб" ці "хлатон".

Кагосьці цікавіць тэхналогія вырабу, бо каментатарам не вельмі ясна, "як ён прапякаецца пры розным тэсце і аднолькавай тэмпературы".

Але ўсё ж большасць беларусаў сыходзіцца ў тым, што ідэя дзіўная.