Ва ўсіх школах Менскага раёна абвешчаная тэрміновая эвакуацыя

• 28.02.2025, 20:05

Дзеці і настаўнікі пакідаюць будынкі, паспяваючы толькі ўзяць верхняе адзенне.

З установаў адукацыі ў Менскім раёне эвакуююць школьнікаў, піша «Точка». У сацсетках публікуюць кадры з Заслаўя, дзе дзеці і дарослыя пакідаюць будынак школы №1.

Дзеці аператыўна і арганізавана выходзяць на вуліцу, паспяваючы прыхапіць толькі верхняе адзенне.

Пазней з'явілася інфармацыя, што нагодаў для панікі няма, а здароўю дзяцей нічога не пагражае.

Як выявілася, трывога навучальная. У Менскім РАНС адзначылі, што 28 лютага ва ўсіх навучальных установах раёна праводзіцца эвакуацыя дзеля адукацыйных мэт.

Вядома, што мерапрыемствы праходзяць напярэдадні Міжнароднага дня грамадзянскай абароны.

Такім чынам дзецям і настаўнікам яшчэ раз нагадваюць аб правілах эвакуацыі, якія ў выпадку экстраннай сітуацыі могуць выратаваць многія жыцці.