«Для нас 8 Сакавіка пачынаецца за шмат месяцаў да свята»

• 28.02.2025, 15:59

Гарадзенцы вырасцілі 15 тысяч цюльпанаў на другім паверсе свайго дома.

Сужэнцы Ірына і Дзмітрыя вырошчваюць цюльпаны ў сямейнай аранжарэі, якая знаходзіцца ў іх прыватным доме. Цяпер гарадзенцы рыхтуюцца да 8 Сакавіка — прадпрымальнікі зразаюць і пакуюць кветкі перад пастаўкай, піша NewGrodno.by.

Для кветак выдзелілі адзін з самых вялікіх пакояў на другім паверсе, які перш выкарыстоўвалі для вялікіх сямейных свят - большую частку года ён проста пуставаў.

Са слоў Ірыны, цюльпанамі займаюцца бацькі Дзмітрыя, так што пачынаць давялося не зусім з нуля.

- Для нас 8 Сакавіка пачынаецца за шмат месяцаў да свята. Яшчэ ў красавіку вызначаемся з гатункамі на наступны сезон. Заказваем іх у пастаўшчыка. Улетку закупляем цыбуліны. Перад пасадкай іх трэба правільна астудзіць: у нас у ролі рэфрыжэратара выступае склеп, - распавядае Ірына.

У другой палове восені цыбуліны цюльпанаў высаджваюць у грунт з сумесі торфу і пяску - на гэта сыходзіць некалькі дзён.

- Тут звыш 200 скрынь, у кожнай па 70 цыбулін, кожную з якіх трэба пасадзіць уручную.

Самы актыўны перыяд падрыхтоўкі пачынаецца за некалькі тыдняў да 8 сакавіка. За гэты час кветнік павінен ператварыцца ва ўкамплектаваныя і спакаваныя замовы. Аптавікі часта заказваюць агулам па 1000 цюльпанаў.

Сёлета ў сямейнай аранжарэі вырасцілі 15 розных гатункаў.

- Попыт застаецца на класічныя чырвоныя ці ружовыя цюльпаны, а таксама на двухколерныя варыянты. А вось некалькі гадоў таму быў сапраўдны бум жоўтых цюльпанаў. На іх «палявалі» даслоўна ўсе, - падкрэслівае Ірына.

Гарадзенцы дадаюць, што сёлета прыблізны кошт кветкі ў раздроб складзе 3,5 рубля.