Буйны завод у Берасці не змаглі прадаць нават са зніжкай 90%

• 28.02.2025, 12:52

Само прадпрыемства - з «цяжкім лёсам».

Таргі аб продажы Берасцейскага камбіната будматэрыялаў, запланаваныя на 28 лютага, зноў не адбудуцца праз адсутнасць пакупнікоў. Прычым, як вынікае з інфармацыі на сайце ЗАТ "Белрэалізацыя", прадпрыемства прапаноўвалася са зніжкай у 90% ад першапачатковага кошту, піша OL.

Яшчэ ў верасні 2024-га стартавы кошт Берасцейскага КСМ (а ён, дарэчы, прадаецца як маёмасны комплекс) перавышаў 39 млн рублёў, а ў кастрычніку - 21 млн.

Само прадпрыемства - з “цяжкім лёсам”. З 2015 года яно знаходзіцца ў працэдуры банкруцтва. А да гэтага там выпускалі дрэнажныя трубы і керамічную цэглу.

Цяпер мінімальная цана продажу складае крыху больш за 11,7 млн рублёў за агульную плошчу больш за 109 тыс. кв. м. Але нават гэта не заваблівае пакупнікоў. Якой будзе цана аб'екта пасля скасавання апошніх таргоў, пакуль невядома.