«Нік і Майк»: Лукашэнка адчувае сябе дрэнна ў гэтай сітуацыі

• 28.02.2025, 12:05

Перамовы «Сіняпалага» з «Недакуркам з Лігаўкі» будуць складанымі.

Тэлеграм-канал «Нік і Майк» напісаў пра інтэрв'ю Аляксандра Лукашэнкі амерыканскаму блогеру Марыё Навуфалу і будучых перамовах з Уладзімірам Пуціным.

- Інтэрв'ю амерыканскаму блогеру і аматару рускіх фэйкаў магло б выклікаць захапленне ў палацы. Прарыў заходняй блакады, падморгванне Трампу і ружовыя мары пра шчаслівую будучыню з гарантыямі ад самай магутнай дзяржавы свету (якая яшчэ нядаўна была галоўным ворагам).

Аднак навіна пра спыненне нафтавай угоды з Мадурам прымушае хутчэй сумаваць. Імпульсіўнасць Трамп не дае надзей на тое, што ўсе дамоўленасці не могуць быць перагледжаны ў кожны момант. Асабліва на фоне імітацыі перамоў з боку Расеі наконт замірэння ва Украіне.

Сіняпалы сам звык пераабувацца ў палёце, але дрэнна сябе адчувае ў сітуацыях, калі апанент таксама гатовы сёння гаварыць адно, а заўтра іншае. А іншых варыянтаў амаль не засталося.

Плюс тут яшчэ хуткая сустрэча з недакуркам з Лігаўкі, які таксама назірае за спробамі прарваць заходнюю блакаду. Размова будзе складаная і зноў дрэнна кладзецца ў канву пра грошы.