На мяжы кантрабандыст з беларускімі цыгарэтамі збіў літоўскага памежніка

• 28.02.2025, 11:22

Той страляў у кола.

Літоўская Служба аховы дзяржаўнай мяжы паведаміла аб здарэнні ў вёсцы Швендубры, што менш чым за 2 км ад мяжы з Беларуссю.

У ноч на 27 лютага памежнікі звярнулі ўвагу на падазроны аўтамабіль Volkswagen Passat, які ехаў па жвіровай дарозе за кіламетр ад мяжы з Беларуссю. Памежнікі выявілі, што на лузе зблізку прызямліўся паветраны шар з нейкім грузам - так нярэдка перапраўляюць кантрабандныя цыгарэты з Беларусі.

Кіроўца аўтамабіля, за якім сталі сачыць памежнікі, выключыў фары, збочыў з дарогі на луг. Потым кіроўца і яго пасажыр аддзялілі груз ад паветранага шара, паклалі ў аўтамабіль і пачалі вяртацца да дарогі.

Памежнікі на Toyota Land Cruiser уключылі мігалку і сірэну, паехалі за "Фольксвагенам", запатрабавалі спыніцца. Кіроўца не выканаў патрабаванні, выехаў на жвіровую дарогу, затым рэзнуўся ў дарожны знак ля моста цераз раку. Памежнікі выйшлі са службовага аўто, наблізіліся да "Фальксвагену".

Раптам аўто падазраваных дала задні ход. Адзін з памежнікаў ледзь не патрапіў пад колы, яго збіла аўтамабілем і адкінула на узбочыну. Аўтамабіль праехаў некалькі метраў і спынілася. Памежнік здолеў падняцца на ногі, наблізіўся да аўтамабіля, стрэліў у кола. Пасля гэтага падазроныя не спрабавалі ўцячы, былі затрыманыя.