Трамп назваў час пачатку сустрэчы з Зяленскім і сказаў, што паважае яго

• 28.02.2025, 8:15

Украінцы змагаліся вельмі смела.

Прэзідэнт ЗША Дональд Трамп і прэзідэнт Украіны Уладзімір Зяленскі ўжо сёння, 28 лютага, правядуць сустрэчу ў Вашынгтоне. Амерыканскі лідар расказаў, у колькі гэта адбудзецца.

Пра гэта паведамляе РБК-Украіна са спасылкай на трансляцыю яго супольнай прэс-канферэнцыі з прэм'ер-міністрам Брытаніі Кірам Стармерам.

«Заўтра аб 11:00 у нас будзе вельмі сур'ёзная добрая сустрэча, спадзяюся на гэта. Мне здаецца, у нас шмат атрымаецца», - заявіў Трамп.

Таксама ён выказаў павагу да свайго ўкраінскага калегі і адзначыў смеласць украінцаў.

«Я паважаю прэзідэнта Зяленскага, украінцы ваявалі вельмі смела. Мы выдалі вялікую колькасць рыштунку, спадзяюся, што ён быў карысным», - дадаў прэзідэнт ЗША.