УСУ знішчылі бранятэхніку расейцаў на Краматорскім кірунку

• 26.02.2025, 16:09

Мінус тры танкі, бензавоз і грузавік з боекамплектам акупантаў.

На Краматорскім кірунку ўкраінскія аператары FPV-дронаў камендатуры хуткага рэагавання "Фенікс" брыгады "Помста" працягваюць паспяхова нішчыць варожыя пазіцыі і тэхніку, піша Telegram-канал аператыўна-стратэгічнай групоўкі войскаў (АСУВ) "Хорціца".

На працягу тыдня байцы знішчылі тры танкі, гармату, вайсковы грузавік з боекамплектам, бензавоз, сем адзінак аўтатранспарту, рэтранслятар і мотаблок. Таксама ў паветры быў абясшкоджаны варожы квадракоптар Mavic.