У Румыніі затрымалі прарасейскага палітыка Джорджэску

• 26.02.2025, 15:13

І адправілі на допыт.

Генпракуратура Румыніі праводзіць 47 ператрусаў у пяці акругах краіны ў рамках справы, у якой інкрымінуюць злачынствы супраць канстытуцыйнага ладу, фальшывыя звесткі аб крыніцах фінансавання выбарчай кампаніі або публічнае падбухторванне да злачынства.

Пра гэта піша «Радыё Свабода».

Адзначаецца, што мэтай з'яўляецца група Гарацыў Потры, блізкага паплечніка прарасейскага палітыка, былога кандыдата ў прэзідэнты Келіна Джорджэску.

СМІ са спасылкай на судовыя крыніцы заявілі, што Джорджэску затрымала паліцыя. Цяпер яго даставілі на допыт у пракуратуру. Палітыка затрымалі за парушэнне правілаў дарожнага руху.

Пракуратура паведаміла, што ператрусы праводзяць у жудзецах (акругах) Сібіў, Мурэш, Тыміш, Ілфаў і Клуж. Аб'ектамі вобшукаў сталі 27 фізічных асоб і чатыры офісы, якія належаць юрыдычным асобам.

Гарацыў Потра - экс-кіраўнік румынскіх наймітаў, якія ваявалі ў Афрыцы.

Келін Джорджэску абвінаваціў улады ў «імкненні прыдумаць доказы, каб апраўдаць крадзеж выбараў і зрабіць усё, каб заблакаваць маё новае вылучэнне на прэзідэнцкіх выбарах».