«Раўнавала і скардзілася на нястачу фінансаў»

• 26.02.2025, 14:45

Беларуска нярэдка біла мужа, але апошні выпадак стаў выключным.

Чарговай ахвярай хатняга гвалту стаў 61-гадовы жыхар Столінскага раёна. Як піша выданне «Брэстсіці», жонка нярэдка біла мужа, але апошні выпадак стаўся для яе крымінальнай справай.

Міліцыя ўстанавіла, што пара пражыла ў шлюбе 39 гадоў. Прэтэнзіі з-за рэўнасці і нястачы фінансаў у жонкі ўзнікалі ўвесь час, і жанчына перыядычна таўкла свайго мужа.

Пасля чарговай сваркі, як і ў папярэдніх выпадках, мужчына пайшоў спаць у хлеў. Вярнуўшыся раніцай у дом, ён спадзяваўся, што жонка супакоілася, але не. Схапіўшы рондаль, жанчына стукнула яго мужа. Каб не працягваць канфлікт, мужчына надумаў адсядзецца ў сваякоў, аднак у нейкі момант ён пачаў адчуваць сябе дрэнна, страчваць прытомнасць і яму выклікалі хуткую дапамогу. Медыкі наклалі пацярпеламу швы і зафіксавалі ў яго чэрапна-мазгавую траўму.

Для жонкі ўсё ў выніку скончылася сумна. У дачыненні да жанчыны ўжо завялі крымінальную справу паводле арт. 153 Крымінальнага кодэкса Рэспублікі Беларусь.