У Беларусі зафіксаваны першы лясны пажар

• 25.02.2025, 21:28

Гараць трыснёг і балота.

Першы лясны пажар зафіксаваны ў Беларусі, паведамілі ў прэс-службе Мінлясгаса.

Паводле папярэдняй інфармацыі, гарыць 204-ы квартал Рубельскага лясніцтва Палескага лясгаса.

– Плошча, ахопленая агнём, уключае балота, гарыць трыснёг – непакрытыя лесам адрэзкі, – расказалі ў Берасцейскім дзяржаўным вытворчым лесагаспадарчым аб'яднанні. – Асобы дзяржаўнай лясной аховы ўжо на месцы і працуюць над лакалізацыяй загарання.

У Мінлясгасе адзначылі, што «будуць сачыць за развіццём падзей».