У Беларусі падаражэюць цыгарэты

• 25.02.2025, 20:02

Адразу плюс 35 капеек.

У Беларусі традыцыйна даражэюць цыгарэты. Наступнае падвышэнне коштаў адбудзецца ўжо з 1 сакавіка.

Гэта вынікае з звестак, якія апублікавала Міністэрства падаткаў і збораў.

Мяркуючы з пададзенай інфармацыі, істотнай змены на рынку тытунёвай прадукцыі чакаць не варта. Большасць марак застанецца з ранейшым коштам, аднак некалькі папулярных пазіцый дададуць адразу 35 капеек.

У першы дзень вясны падаражэюць цыгарэты «NZ Charm Рэд» і «NZ Charm Браўн». За гэтыя маркі тытуню ў Беларусі з 1 сакавіка трэба будзе выкласці 5 рублёў.

Акрамя таго, падаражэе ўвесь Chapman, але толькі на 10 капеек. Адзін пачак у Беларусі з 1 сакавіка будзе каштаваць Br7,8.