УСУ будуць выкарыстоўваць новыя ўкраінскія дроны «Вядзьмак»

• 25.02.2025, 19:01

Высакахуткасныя FPV-дроны здольныя дагнаць усякую колавую тэхніку расейскіх акупантаў.

Міністэрства абароны Украіны дапусціла да эксплуатацыі новыя беспілотныя авіяцыйныя комплексы ўкраінскай вытворчасці «Вядзьмак». Пра гэта 25 лютага паведаміла прэс-служба МА Украіны.

Адзначаюць, што высакахуткасныя FPV-дроны гэтага комплексу здольныя дагнаць усякую колавую тэхніку расейскіх акупантаў.

«Пры дастаткова кампактных памерах «Вядзьмак» здольны несці зарад, магутнасці якога дастаткова для эфектыўнага знішчэння бронетэхнікі і абароненых агнявых пазіцый супраціўніка. Пры гэтым коптар развівае вялікую хуткасць і можа імкліва манеўраваць. «Птушкі» комплексу працуюць удзень і ўначы, выяўляючы і распазнаючы тыповыя варожыя цэлі», – паінфармавалі ў абаронным ведамстве.