Ва ўкраінскай Палтаве дэмантавалі помнік Пятру І

• 25.02.2025, 17:54

Помнік дэмантавалі за сродкі неабыякавых грамадзян.

У Палтаве ў аўторак, 25 лютага, дэмантавалі помнік расейскаму імператару Пятру I, піша New Voice.

«Згодна з пастановай Міністэрства культуры і інфармацыйнай палітыкі Украіны, помнік Пятру I быў ліквідаваны з публічнай прасторы нашага горада. Гэты крок з'яўляецца важнай часткай дзяржаўнай палітыкі дэкаланізацыі», - напісала выканаўца абавязкаў гарадскога галавы Палтавы Кацярына Ямшчыкова.

Як дадала Ямшчыкова, гэта «свядомае і адказнае дзеянне грамады, якая пазбаўляецца ад расейскіх імперскіх маркераў».

22 лютага выканаўца абавязкаў гарадскога галавы Палтавы пісала, што ў горадзе з публічнай прасторы прыбяруць помнік расейскаму імператару Пятру I.

Як сказана ў сюжэце тэлеканала Рада, помнік дэмантавалі за сродкі неабыякавых без прыцягнення бюджэтных і дзяржаўных сродкаў.

Пастанову аб дэмантажы ў горадзе прынялі на падставе загада Міністэрства культуры і стратэгічных камунікацый Украіны ад 31 студзеня 2025 года.