У Беларусі змянілі парадак запісу на апастыль

• 25.02.2025, 12:44

Новаўвядзенне ўваходзіць ў дзеянне з 3 сакавіка.

З 3 сакавіка ўводзіцца электронны папярэдні запіс на афармленне апастыля, паведаміла прэс-служба Міністэрства адукацыі.

З 3 сакавіка ўводзіцца электронны папярэдні запіс для падачы дакументаў для выканання апастыля на афіцыйных паперах устаноў адукацыі Беларусі.

Запісацца можна на сайце Міністэрства адукацыі. Для гэтага неабходна падаць від дакумента і яго нумар. Выбар даты і часу наведвання праводзіцца самастойна з даступных дат з улікам графіка прыёму дакументаў.

«Праз электронны запіс будуць прымацца дакументы толькі ад уладальніка дакумента і толькі тыя дакументы, якія пазначаныя ў форме папярэдняга запісу. Неадпаведнасць нумара дакумента, указанага ў форме папярэдняга запісу, нумару дакумента, які падаецца для прастаўлення апастыля, цягне адмову ў прыёме дакументаў», — паведамілі ў Міністэрстве адукацыі.

Да 31 сакавіка ўключна папярэдні запіс на прастаўленне апастыля будзе магчымы і ў ранейшым фармаце — на базе Дэпартамента кантролю якасці адукацыі ў дні і гадзіны, вызначаныя для папярэдняга запісу.

Запіс праз тэлефон ці электронную пошту не ажыццяўляецца.