Жыхар Жодзіна прынёс у абменнік 50 еўра - і пачалося

• 25.02.2025, 9:40

Міліцыя, экспэртыза, крымінальная справа.

Жыхар Жодзіна паспрабаваў здаць у абменнік фальшывую банкноту наміналам 50 еўра. Распачатая крымінальная справа, паведамілі ў Дзяржкамітэце судовых экспэртыз (ГКСЭ).

Падчас правядзення валютнай аперацыі супрацоўнік банка западозрыў, што купюра можа быць падробкай, і выклікаў міліцыю. Аператыўнікі, якія прыбылі на месца, канфіскавалі купюру.

Экспэртыза пацвердзіла: банкнота фальшывая.

"Усе выявы пярэдняга і адваротнага бакоў, уключаючы выяву колькасці "50" і паласавую кінеграму, нанесеныя з выкарыстаннем плоскага афсетнага друку, што сведчыць аб падробцы", - рэзюмавалі ў ДКСЭ.

Паводле гэтага факту распачатая крымінальная справа. На допыце мужчына расказаў, што купюру ён набыў у незнаёмца і не задумаўся аб тым, што яна магла быць фальшывай.