Данія перадала Украіне 12 з 19 абяцаных самалётаў F-16

• 24.02.2025, 19:29

Астатнія чакаюцца сёлета.

Данія ўжо перадала ва Украіну 12 з 19 абяцаных знішчальнікаў F-16, а астатнія будуць дастаўленыя цягам 2025 года.

Пра гэта паведаміў міністр абароны Даніі Траэльс Лунд Поўльсэн, інфармуе «Інтэрфакс-Украіна».

«Для мяне вялікі гонар, што Данія змагла абавязацца перадаць 19 самалётаў F-16. 12 з іх дастаўленыя. І астатнія таксама будуць у небе Украіны сёлета», - сказаў ён.

З яго слоў, гэтай пастанове папярэднічалі працяглыя дыскусіі, але краіна разам з Нідэрландамі змагла гэта зрабіць.

«І мы павінны зрабіць яшчэ больш. Думаю, Еўропа павінна актывізавацца. Сувязь паміж Украінай і Еўропай вельмі, вельмі важная. Таксама вельмі важна, каб Еўропа змагла зрабіць яшчэ больш, а таксама інвеставаць яшчэ больш у вайсковы патэнцыял», - падкрэсліў Поўльсэн.

З ягоных слоў, Еўропа імкнецца зрабіць больш. Ён запэўніў у шырокай падтрымцы ўкраінцаў з боку Даніі.