У Варшаве прайшла акцыя з патрабаваннем вызваліць беларускіх жанчын-палітвязняў

• 24.02.2025, 15:57

У лукашэнкаўскіх турмах іх катуюць.

У Варшаве адбылася традыцыйная нядзельная акцыя салідарнасці з Беларуссю. Пратэстоўцы трымалі банеры з патрабаваннем вызваліць жанчын-палітвязняў, пра катаванні якіх расказала палітычная зняволеная, якая выйшла на волю, каардынатарка грамадзянскай кампаніі «Еўрапейская Беларусь» Паліна Шарэнда-Панасюк.

Пратэстоўцы нагадалі пра лёсы Вольгі Маёравай, Алены Гнаўк, Вікторыі Кульшы, Таццяны Канеўскай, а таксама Алены Лазарчык і Любові Разановіч.

Быў таксама банер у памяць пра палітвязня Ігара Ледніка, які загінуў у беларускай турме.