Малодшы Протас правёў фенаменальны матч у OHL, набраўшы пяць балаў

• 24.02.2025, 12:33

Беларускі форвард стаў першай зоркай матча.

У хакейнай лізе Антарыё [OHL] прайшлі чарговыя матчы рэгулярнага чэмпіянату, піша belarushockey.com.

"Віндзор Спітфайрз" дома падолеў "Сагіна Спірыт" — 7:3.

У пераможцаў 18-гадовы беларускі форвард і праспект "Вашынгтона" Ілля Протас гуляў у цэнтры першага звяна, набраў 5 (2+3) балаў (з іх 4 у большасці), нанёс 6 кідкоў, перамог у 6/13 укідванняў і зарабіў паказчык карыснасці "+1". Ён быў прызнаны першай зоркай матча.

У сезоне ў яго 52 гульні, 98 (41 57) балаў, паказчык карыснасці «46», 28 хвілін штрафу.

Протас-малодшы набірае балы ў васьмі гульнях запар (7+14). Ён уваходзіць у топ-4 бамбардзіраў і топ-3 снайпераў лігі.

"Віндзор" з 83 баламі ў 57 матчах займае 2-е месца ў Заходняй канферэнцыі (гарантавалі сабе выхад у плэй-оф).

Раней брат Іллі, Аляксей Протас, аформіў асістэнцкі хет-трык у матчы НХЛ. Беларускі нападнік “Кэпіталз” тры разы кінуў па браме, дапусціў адну страту, здзейсніў адзін перахоп і закончыў сустрэчу з паказчыкам карыснасці “+3”.