ЕЗ увёў новыя санкцыі супраць беларускага рэжыму

• 24.02.2025, 11:45

Цэлы шэраг абмежавальных мер.

У трэція ўгодкі поўнамаштабнага ўварвання Расеі ва Украіну Рада ЕЗ прыняла шырокамаштабны 16-ы пакет эканамічных і індывідуальных санкцый супраць РФ. Пакет закранае важныя сектары расейскай эканомікі.

Як піша “РБК-Україна”, санкцыі закранаюць і беларускі рэжым.

"Сённяшні пакет уключае дадатковыя абмежавальныя меры ў дачыненні да Беларусі, якія адлюстроўваюць гандлёвыя санкцыі, узгодненыя супраць Расейскай Федэрацыі, а таксама іншыя меры, такія як абмежаванні ў продажы або выкананні паслуг і праграмнага забеспячэння, дэпазітаў і крыптовалютных партманэтаў, а таксама транспартных перавозак", — піша выданне.

Акрамя таго, Рада увяла новы крытэрый уключэння ў пералік асоб, арганізацый або органаў, якія падтрымліваюць або атрымліваюць выгаду ад ваенна-прамысловага комплексу Беларусі.