Названая колькасць пустых дамоў у Беларусі

• 24.02.2025, 10:50

Колькасць ідзе на дзясяткі тысяч.

У Беларусі налічваецца блізу 35 тысяч пустых дамоў. Усе яны ўнесеныя ў спецыяльны рэестр.

У іх можна не толькі паглядзець характарыстыкі таго ці іншага аб'екта, але і ў рэжыме онлайн убачыць яго месцазнаходжанне, фота, пазнаць узрост і стан дому. Доступ да рэестра адкрыты і бясплатны.

У 2024 годзе продажы пустога жылля выраслі на 40% у параўнанні з 2023-м. Набыта 1369 дамоў, блізу 60% - за 1 базавую адзінку.