УСУ паказалі «паляванне» на расейскі «танк-чарапаху»

• 24.02.2025, 9:03

Спачатку дроны загналі тэхніку акупантаў у яму.

У Сеціве з'явіліся кадры з Курскай вобласці РФ, на якіх расейскі “танк-чарапаха” падабраўся да пазіцый УСУ.

Танку ўдалося праехаць бесперашкодна па мінным полі. Побач з ім разарвалася 6 мін, але гэта яго не спыніла. Першапачаткова браня дапамагла ворагу праехаць міннае поле, аднак затым яна ж і згуляла злы жарт з акупантамі, паведамляе Forbes.

Па шляху танка кіроўца не заўважыў глыбокую яму ад набоя і трапіў у яе. FPV-дрон 47-й брыгады адразу ж атакаваў танк. Адзін акупант здолеў з яго выбрацца.

Яшчэ ў 2024 годзе байцы з 22-й брыгады УСУ захапілі адзін з такіх “танкаў-чарапах” разам з экіпажам. Тады падпалкоўнік УСУ Сяргей Місюра заявіў, што з-за такой колькасці броні і металічных лістоў у кіроўцы звужаецца кут агляду.