«Абдурыліся»: Z-прапагандысты прызналі крах войска РФ

• 23.02.2025, 14:17

У эфіры з'явіўся адкрыты аповед.

Праз тры гады вялікай вайны прапагандысты Крамля пачалі адкрыта гаварыць пра крах так званай «СВА».

У эфіры падкантрольнай Крамлю радыёстанцыі «Камсамольская праўда» загаварылі пра разгром расейскага дэсанту пад Гастомелем у лютым 2022 года, піша «Дыялог.UA».

Глядач датэлефанаваўся ў эфір праграмы Z-ваенкараў Міхаіла Цімашэнкі і Віктара Баранца. Ён пацікавіўся ў іх, навошта Расея паклала на Кіеўшчыне такую вялікую колькасць сваіх салдатаў, калі, са словаў дыктатара Уладзіміра Пуціна, планаў захопу ўкраінскай сталіцы нібыта не было.

У адказ прапагандысты даволі шчыра расказалі, як правалілася аперацыя РФ захопу плацдарму ў Гастомелі.

«Так, мэта была захапіць гэты аэрадром. Так, мы там абдурыліся. І мы гэта не баімся гаварыць сур'ёзна. І панеслі вялікія страты. Мы не разведалі пляцоўку высадкі і там ад пуза проста ўкраінцы расстрэльвалі нашых дэсантнікаў. Атрымалася, што дэсант высадзілі. А навошта? Дэсант высаджваюць, каб захапіць плацдарм і каб туды прабіліся твае войскі», – заявілі Цімашэнка і Баранец.

Яны сцвярджаюць, што вінаваты ў гэтым разгроме генерал УС РФ Сердзюкоў нібыта быў «пакараны» зняццем з пасады.

Прапагандысты хітруюць. Рэч у тым, што Сердзюкоў быў пераведзены на іншую высокапастаўленую пасаду камандзіра Калектыўных міратворчых сілаў АДКБ у Рэспубліцы Казахстан.

Цімашэнка і Баранец таксама пацвердзілі, што Гастомель быў не адзіным грандыёзным крахам расейскага войска ў гэтай вайне.

«Ну няўжо мы толькі ў Гастомелі парушылі элементарныя правілы выведкі? (...) Калона 1,5 км уваходзіць у лясны надзел па вузкай дарозе, урываецца без выведкі ні справа, ні злева, нічога! Наперад пайшлі і ўсё! Калі адна траціна калоны выйшла – ужо добра. І хто вінаваты? Патрабуюць прозвішчы, хто вінаваты. А што, вам лягчэй будзе? – расказалі прапагандысты.