Папа Рымскі застаецца ў крытычным стане

• 23.02.2025, 11:27

Ватыкан пачаў выпускаць штодзённыя заявы пра стан пантыфіка.

Стан Папы Францішка застаецца «крытычным», піша ВВС. У суботу Папа Рымскі перанёс «зацяжны рэспіраторны крызіс, падобны да астмы», сказалі ў Ватыкане.

Ён праходзіць лячэнне ад пнеўманіі абодвух лёгкіх у лякарні Джэмелі ў Рыме. Пантыфіку зрабілі пераліванне крыві. Папа Францішак знаходзіцца ў прытомнасці, але яму патрэбен «высокі прыток» кіслароду.

«Стан Святога Айца застаецца крытычным. Папа не знаходзіцца па-за небяспекай», – гаворыцца ў заяве Ватыкана.

Папа Рымскі запатрабаваў адкрытасці ў дачыненні да свайго здароўя, таму Ватыкан пачаў выпускаць штодзённыя заявы.