Sky News: Зяленскі не гатовы падпісаць пагадненне з ЗША аб карысных выкапнях

• 22.02.2025, 14:49

Названая прычына.

Прэзідэнт Украіны Уладзімір Зяленскі пакуль не гатовы падпісаць з ЗША пагадненне аб доступе да ўкраінскіх карысных выкапняў. Прычынай гэтага з'яўляюцца «праблемныя пытанні» ў праекце пагаднення.

Пра гэта паведамляе Sky News.

Крыніца выдання адзначае, што пагадненне «яшчэ не гатовае да падпісання, ёсць шэраг праблемных пытанняў, і ў цяперашнім выглядзе праекта прэзідэнт не гатовы яго прыняць».

«На сёння праекты не адлюстроўваюць партнёрства ў пагадненні і змяшчаюць толькі аднабаковыя абавязацельствы з боку Украіны», – сказаў суразмоўца Sky News.

Затое прэзідэнт ЗША Дональд Трамп заявіў, што бакі блізкія да прыняцця пагаднення. Дарадца ў нацыянальнай бяспецы ЗША Майк Уолтц заявіў на гэтым тыдні, што пагадненне будзе падпісанае.