Нямецкі аўтапрам пашырыць вытворчасць у ЗША

• 21.02.2025, 19:02

Для абыходу мытных падаткаў.

Буйныя нямецкія аўтавытворцы распрацавалі планы рэарганізацыі вытворчай базы для мінімізацыі шкоды ад чаканага ў ЗША ўвядзення мытных падаткаў на аўтамабілі. Як стала вядома агенцтву Reuters, Audi і Mercedes-Benz бачаць выйсце ў пашырэнні сваёй вытворчасці ў ЗША.

У Audi пакуль няма ўласнай вытворчай базы ў ЗША, і кампанія плануе пачаць збіраць тамака шэраг самых запатрабаваных у рэгіёне мадэляў. Сёлета Audi абвесціць абранае месца для будаўніцтва завода. Пра гэта агенцтву Reuters паведаміў гендырэктар нямецкай кампаніі Гернат Дэльнер.

Mercedes-Benz, у якой ёсць вытворчасць у ЗША у штаце Алабама, мае намер яго пашырыць. Пры гэтым кампанія BMW, у якой таксама ёсць вытворчасць у ЗША, мяркуе, што зладзіцца і так. Са слоў гендырэктара BMW Олівера Цыпсэ, у іх маштабная вытворчасць у ЗША і добрыя стасункі з кіраўніцтвам штата Паўднёвая Караліна, дзе гэта вытворчасць знаходзіцца.

У 2024 годзе на гэтых трох найбуйнейшых нямецкіх аўтавытворцаў прыпала 73% экспарту аўтамабіляў з ЕЗ у ЗША. І са слоў эксперта аўтамабільнага рынку ў Allianz Trade Гіём Дэжана, «незалежна ад таго, як усё павернецца ў гэтай гандлёвай вайне, нямецкія вытворцы аўтамабіляў практычна ў кожным выпадку апынуцца ў пройгрышы».