Расейскі «Шахед» даляцеў да Берасцейскай вобласці

• 21.02.2025, 18:29

Як мінімум два БПЛА заляцелі ў нашу краіну.

Паводле звестак украінскага маніторынгавага канала «Рында Маніторыт», мінулай ноччу, 21 лютага, на тэрыторыю Беларусі падчас масаванай расейскай атакі тэрыторыі Украіны заляцелі як мінімум 3 БПЛА, піша «Флагшток».

Два робаты пераляцелі мяжу паміж Чарнігаўскай і Гомельскай абласцямі, якая праходзіць па рацэ Дняпро. Першы прыкладна а 01:52 накіраваўся ў кірунку вёскі Ніжніх Жараў, другі — а 02:10 у кірунку Хойнікаў.

Пазней, а 03:30 з Ровенскай вобласці накіраваўся ў бок Століна ў Берасцейскай вобласці.