«Вось хто дыктатар»: улюбёная газета Трампа выйшла са спецыяльным артыкулам

• 21.02.2025, 17:26

У ім расказваюцца галоўныя факты аб украінска-расейскай вайне.

Амерыканскае кансерватыўнае выданне The New York Post, якое любіць чытаць прэзідэнт ЗША Дональд Трамп, выйшла з матэрыялам на перадавіцы, дзе растлумачана, што сапраўдным дыктатарам з'яўляецца гаспадар Крамля Уладзімір Пуцін.

Пра гэта паведамляе «Еўрапейская праўда».

Нумар The New York Post за 21 лютага выйшаў з вялікім партрэтам Уладзіміра Пуціна на перадавіцы і загалоўкам: «Прэзідэнт Трамп, вось хто дыктатар».

У самім матэрыяле, які выйшаў у фармаце калонкі аўтарства Дугласа Мюрэя, апублікаваныя «10 фактаў аб украінска-расейскай вайне, якія мы ігнаруем на свой страх і рызыку».