Corriere della Sera: Папа Францішак можа адрачыся ад пасаду

• 21.02.2025, 15:15

Цяпер пантыфік знаходзіцца ў лякарні.

88-гадовы папа рымскі Францішак можа адрачыся ад Святога пасаду, выказаў меркаванне ў апублікаваным 21 лютага інтэрв'ю Corriere della Sera кардынал Джанфранка Равазі.

«Калі ў яго ўзнікнуць цяжкасці з выкананнем папскіх абавязкаў, ён зробіць свой выбар. Вядома, ён прыме пастанову, магчыма, папросіць парады, але ён прыме пастанову сам, згодна з сумленнем», - сказаў Равазі, адказваючы на пытанне, ці можа пантыфік прыняць такую пастанову.

Акрамя таго, кардынал адзначыў, што Папа Рымскі хоча правесці Юбілейны год хрысціянства, які каталіцкая царква адзначае ў перыяд з 24 снежня 2024 года да 6 студзеня 2026 года.

9 лютага 2025 г. папа рымскі быў вымушаны спыніць сваю пропаведзь у Ватыкане праз тое, што яму было цяжка дыхаць.

«Цяпер я прашу прабачэння і прашу майстра працягваць чытаць, таму што мне цяжка дыхаць», - казаў пантыфік.

14 лютага стала вядома, што папу рымскага шпіталізавалі пасля аўдыенцыі для праходжання аналізаў і стацыянарнага лячэння бранхіту.

18 лютага The Wachington Post паведаміла, што 88-гадовы папа рымскі, якому ў маладосці выдалілі частку аднаго лёгкага, быў шпіталізаваны ў рымскую клініку Агасціна Джэмелі пасля чарговага выпадку бранхіту, і што ў яго дыягнаставана двухбаковая пнеўманія.