У Калужскай вобласці РФ моцна шугае завод для вытворчасці пластыка

• 21.02.2025, 17:30

Зарыва і слуп дыму бачныя за некалькі кіламетраў.

У Калужскай вобласці РФ уночы 21 лютага адбыўся магутны пажар на заводзе перапрацоўкі пластыка. Гарыць прадпрыемства побач з вёскай Акаракава Жукоўскага раёна, піша «Обозреватель».

Пра гэта паведамляюць у расейскіх суполках; у МНС РФ ёсць кароткае паведамленне аб "узгаранні ў Жукоўскім раёне на складзе другаснай сыравіны". Пажар пачаўся прыкладна апоўначы і працягваецца зараз.

З апошніх звестак, агонь распаўсюдзіўся на 1000 квадратных метраў прадпрыемства.

Пра ахвяр і пацярпелых афіцыйнай інфармацыі няма.

Мясцовыя жыхары кажуць, што палае завод для перапрацоўцы пластыка, прычым "зарыва і слуп дыму бачныя за некалькі кіламетраў" з горада Обнінск.

Прычыны здарэння пакуль невядомыя. На месцы працуюць экстранныя службы.