Спецслужбы Нямеччыны і Польшчы дамовіліся пра супрацоўніцтва

• 20.02.2025, 21:37

Для супрацьстаяння падрыўной дзейнасці РФ у Еўропе.

Федэральная выведная служба Нямеччыны (BND) і польская служба знешняй выведкі (Agencja Wywiadu, AW) дамовіліся пра супрацоўніцтва ў супрацьдзеянні расейскім гібрыдным атакам у Еўропе. Пра гэта гаворыцца ў супольнай заяве спецслужбаў у Facebook ад 20 лютага.

У заяве падкрэсліваецца, што AW і BND маюць намер увесь час каардынаваць намаганні ў барацьбе з падрыўной дзейнасцю Расеі ў Еўропе.

На думку спецслужбаў, аперацыі расейскай выведкі і яе агентаў на тэрыторыі Нямеччыны і Польшчы не маглі праводзіцца без ведання і дазволу найвышэйшага кіраўніцтва Масквы.