Унікальная аперацыя: Украіна атакавала сакрэтную базу расейцаў

• 20.02.2025, 17:44

Удар быў нанесены ў дзень перамоў ЗША і РФ.

Аператары беспілотнікаў з 15-й брыгады аператыўнага прызначэння Нацыянальнай гвардыі Украіны «Кара-Даг» з дапамогай оптавалаконных кабеляў адсачылі шлях да сакрэтнай расейскай базы, каб ударыць па ёй FPV-дронамі. Аб гэтай унікальнай аперацыі напісаў часопіс Forbes.

Адзначаецца, што адбылося, калі Злучаныя Штаты пераключылі сваю ўвагу з Украіны на Расею - у дзень перамоў ЗША і РФ у Савудаўскай Арабіі 18 лютага на поўдзень ад вёскі Вадзянога ў паўднёвай частцы Данецкай вобласці.

«Аператары брыгады «Кара-Даг» палявалі за расейскімі групамі беспілотнікаў. Зрэшты, за камандамі, якія выкарыстоўваюць оптавалаконныя беспілотнікі ...Ва Украіны менш войск і менш артылерыі, чым у Расеі, але ў яе больш лепшых БПЛА... Каб захаваць гэтую перавагу беспілотнікаў - і, такім чынам, захаваць асноўныя сродкі супраціву Украіны - украінцам неабходна спыніць усе спробы расейцаў узмацніць свае ўласныя рабатызаваныя магчымасці», - гаворыцца ў публікацыі.

Указваецца, што ў той дзень украінскія байцы заўважылі адлюстраванне тонкіх расейскіх оптавалаконных кабеляў:

«Яны прасачылі за валокнамі, якія адлюстроўваюць сонечнае святло, да ўтоенай базы расейскай каманды ў заснежаных будынках і знішчылі няшчасных расейскіх аператараў выбухнымі беспілотнікамі».

У Forbes назвалі гэты ўдар «тактычнай перамогай са стратэгічным пасланнем»: Амерыка можа выбраць схіліцца перад Расеяй, але Украіна не абавязаная.