У Францыі пацвердзілі візіт Макрона ў ЗША

• 20.02.2025, 16:08

СМІ даведаліся, які мэсэдж рыхтуюць Трампу.

Прэзідэнт Францыі Эмануэль Макрон на наступным тыдні паедзе ў ЗША. Ён будзе расказваць пра вайну ва Украіне.

Пра гэта паведамляе РБК-Украіна са спасылкай на Le Figaro.

Французскі міністр-дэлегат у справах Еўропы Бэнжамэн Хадад заявіў, што Макрон паедзе ў Вашынгтон на наступным тыдні. Такім чынам ён пацвердзіў словы прэзідэнта ЗША Дональда Трампа аб тым, што ён сустрэнецца з Макронам «вельмі хутка, магчыма, у панядзелак».

Са слоў міністра, Макрон у ЗША будзе казаць пра Украіну.

- Ён паедзе, каб перадаць голас еўрапейцаў і сказаць, што будучыня Украіны не можа быць вызначаная без іх, - сказаў Хадад.

Французскі міністр мяркуе, што «сарванае спыненне агню было б перамогай» расейскага дыктатара Пуціна.

Хадад дадаў, што на перамовах у Савудаўскай Арабіі ў Еўропы ёсць некалькі актываў, якія можна выкарыстоўваць, пачынаючы з падтрымкі Украіны, якая, як ён указаў, «большая, чым у ЗША». Ён назваў у якасці рычагоў «эканамічны ціск на Расею» і «здольнасць ажыццявіць гарантыі бяспекі».

У каментары заяў Трампа з крытыкай прэзідэнта Украіны Хадад заявіў, што «адзіны дыктатар у гэтай вайне - Пуцін, а Зяленскі - герой».