У Менску сабраўся «паравозік» з чатырох аўтамабіляў

• 20.02.2025, 11:45

Момант аварыі патрапіў на відэа.

У Менску праз невыкананне бяспечнай дыстанцыі сутыкнуліся чатыры аўтамабілі, паведамілі ў сталічнай ДАІ.

Здарэнне адбылося 20 лютага а 08.10 на скрыжаванні вуліц Льва Талстога і Суражскай. Папярэдне выяўлена, што ў выніку невыканання бяспечнай дыстанцыі адбылося сутыкненне чатырох аўтамабіляў: Lexus, Toyota, Renault і Nissan.

У выніку ДТЗ ніхто не пацярпеў, транспартныя сродкі атрымалі механічныя пашкоджанні.